Obiliqi ndan bursa për studentë dhe nxënës

16 Nëntor 2016 - 15:07      

Komunarët e Obiliqit i kanë ndarë të mërkurën 73 bursa për studentët dhe nxënësit e shkëlqyeshëm të kësaj komune. Sipas një njoftimi për media të kësaj komune, 50 bursa janë ndarë për studentë dhe 23 për nxënës të shkollave të mesme.

“Kryetari i Komunës së Obiliqit, Xhafer Gashi së bashku me drejtorin e Arsimit, Agim Spahiu, ishin prezent në shpërndarjen e bursave për studentë dhe nxënës të shkollës së mesme profesionale – teknike ‘Hasan Tasini’. Studentë përfitues të bursave ishin 50, ndërsa të shkollës mesme profesional ishin 23 nxënës me sukses të shkëlqyeshëm”, thuhet në njoftimin për media të Komunës së Obiliqit.

Kryetari i Komunës, Xhafer Gashi, i uroi studentët dhe nxënësit për suksesin e arritur, duke shtuar se në të ardhmen presin nga ata që të vazhdojnë të kenë suksese ku në një të ardhme këta të jenë udhëheqës të vendit. 

© KOHA. Të gjitha të drejtat janë të rezervuara.