Diga e Mirushës problematike për Malishevën

15 Nëntor 2016 - 11:20      

Malishevë, 15 nëntor – Qeveria komunale e Malishevës të hënën ka raportuar për dëme të konsiderueshme në bujqësi dhe infrastrukturë pas përmbytjeve të javës së kaluar.

Ekzekutivi lokal në mbledhjen e radhës ka vlerësuar si problematike edhe gjendjen e digës dhe urës në liqenin Mirushë.

Sipas zyrtarit për emergjenca në Drejtorinë për Mbrojtje dhe Shpëtim, Halit Mazreku, sasia e ujit ka qenë shumë e madhe, si pasojë e reshjeve të mëdha të shiut, gjë që ka shkaktuar dëme të konsiderueshme në bujqësi e në infrastrukturë, shkruan sot “Koha Ditore”.

“Është dëmtuar një rrugë në Guncat, në të cilën është dashur të intervenohej me urgjencë, pastaj rruga në Banjë, ndërsa në gjendje të rëndë mbeten diga dhe ura në liqenin e Mirushës. Janë evakuuar dhjetë familje, ku një prej tyre tashmë është zhvendosur në një fshat tjetër”, ka bërë të ditur Mazreku, përcjell ZI-ja.

Sipas komunikatës për vlerësimin e dëmeve nga përmbytjet, kryetari Begaj ka formuar edhe komisionin për vlerësimin e dëmeve të shkaktuara... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.