Komuna e Gjilanit pranon dështimin në asfaltim rrugësh

15 Nëntor 2016 - 10:11      

Gjilan, 15 nëntor - Qeverisja komunale e Gjilanit ka pasur telashe në përfundimin e shumë punëve infrastrukturore komunale.

Ajo e pranon se disa nga projektet e asfaltimit të rrugëve brenda qytetit nuk janë kryer brenda afateve kohore, porse shkaku i zvarritjes së punimeve, sipas tyre, janë telashet që kanë dalë me instalimin e gypave të kanalizimit, të reshjeve atmosferike, si edhe të kanalizimit, shkruan sot “Koha Ditore”.

Por zvarritjet e punimeve kanë bërë që të bllokohen disa nga rrugët kryesore të qytetit, siç është janë: “Sadulla Brestovci”, “Rruga e Gjinollëve” si edhe rruga “Rexhep Dajkoci”.

Ndërsa të hënën ka nisur të asfaltohet rruga “Sadulla Brestovci” deri në qendër të qytetit, kurse pjesa tjetër e rrugës do të vazhdojë ditëve të tjera në drejtim të Xhamisë së Balecit dhe asfaltimi i rrugës “Rexhep Dajkovci” e cila shpie te Posta e Kosovës, ku në atë pjesë është paraparë edhe ndërtimi i urës së re.

Rexhep Kadriu, nënkryetar i Komunës së Gjilanit, deklaron se ata do të bëjnë përpjekje që projektet e asfaltimit të rrugëve brenda qytetit të përfundojnë brenda këtij viti... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.