Banorët e Shalës në Lipjan thonë se për asfalt morën veç premtime [video]

13 Nëntor 2016 - 21:26      

Në fushata zgjedhore çdo herë premtohej se rruga e fshatit Shalë të komunës së Lipjanit do të asfaltohet, por secila parti që ka ardhur në pushtet, i ka harruar fjalët e dhëna.

Kështu janë shprehur banorët e katër lagjeve të këtij fshati të Lipjanit, të cilët thonë se në të shumtën e rasteve mosasfaltimi u nxjerrë telashe të shumta, raporton KTV.

Kjo rrugë është e gjatë rreth 2 kilometra dhe sipas banorëve edhe fëmijët e kanë të vështirësuar shkuarjen në shkollë. Më të moshuarit e fshatit thonë se kur ka të reshura si të shiut ashtu edhe të borës, as mjekimet e para nuk kanë mundur t’i marrin.

Ndërkaq, Heset Sahiti drejtor për shërbime publike në komunën e Lipjanit, ka thënë se asfaltimi i kësaj rruge është e planifikuar të bëhet në vitin 2017, ku pritet të kushtojë rreth 50 mijë euro.

© KOHA. Të gjitha të drejtat janë të rezervuara.