Veseli i bindur se do të rikthejë Lipjanin

13 Nëntor 2016 - 17:30      

Partia Demokratike e Kosovës, dega në Lipjan ka shënuar 17 vjetorin e themelimit, nëpërmjet një ceremonie solemne derisa i pranishëm ishte edhe kryetari i kësaj partie Kadri Veseli.

Veseli me këtë rast ka thënë se PDK-ja po vazhdon të rritet e të forcohet, ndërkohë qytetarët po e tregojnë besimin gjithandej Kosovës për Partinë Demokratike të Kosovës dhe vizionin e saj, transmeton Koha.net.

Ndërkaq, në praninë e qindra anëtarëve e simpatizantëve të PDK-së, Veseli ka shpërndarë prej më shumë se 100 libreza për anëtarë të rinj të cilët janë anëtarësuar në degën e Lipjanit e të cilët kanë fituar të drejtën që për herë të parë do të marrin pjesë në zgjedhjet e ardhshme.

“Edhe pse nuk jemi në fushatë zgjedhore, mbështetja dhe përkrahja e qytetarëve për PDK-në po rritet dhe dëshmohet në çdo aktivitet. Partia Demokratike e Kosovës po vazhdon rritjen e saj dhe po fiton besimin e shumicës së qytetarëve anembanë Kosovës. Kjo mbështetje është obligim dhe përgjegjësi më e madhe për ne. Sot në këtë sallë, ju jeni mbledhë në numër kaq të madh për të mbështetur dhe shpreh besimin për PDK-në edhe pse nuk ndodhemi në fushatë zgjedhore”, ka thënë Veseli.

Sipas tij, kjo tregon dhe dëshmi se PDK-ja do të jetë edhe më e fuqishme në zgjedhjet e ardhshme. “Ftoi kryesinë e Degës së PDK-së në Lipjan që të punojnë edhe më shumë që në zgjedhjet e ardhshme të fitojnë besimin e sa më shumë qytetarëve për ta qeverisur komunën e Lipjanit, ndërsa lidershipi i PDK-së do të angazhohet për fuqizimin e perspektivës për të rinjtë e Lipjanit dhe gjithë Kosovës”, ka thënë më tej Veseli.

Ndërsa Shukri Buja, në emër të degës i falënderoi anëtarët, veprimtarët, themeluesit e degës në këtë përvjetor duke theksuar se Partia Demokratike e Kosovës është parti e së tashmes dhe të ardhmes së qytetarëve, në veçanti rinisë jo vetëm të Lipjanit, por tërë Kosovës.

comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...