20 milionë euro kredi për rrjetin e kanalizimit në Gjilan [video]

12 Nëntor 2016 - 22:21      

Kuvendi Komunal i Gjilanit ditë më parë i dha dritën jeshile marrjes së kredisë rreth 20 milionë euro për shtrirjen e sistemit të rrjetit të kanalizimit, që i prin ndërtimit të impiantit për trajtimin e ujërave të zeza.

Shteti austriak është ai i cili i ka mundësuar një kredi të tillë Komunës që udhëhiqet nga Lutfi Haziri, raporton KTV.

Faza e parë e këtij projekti parasheh shtrimin e kolektorëve nga lumi “Mirusha”, për të vazhduar pastaj edhe në fshatra.

Por, me këtë, komuna i detyrohet Bankës Austriake që për çdo vit të paguajë një shumë prej 700 mijë eurosh për afër 25 vjet.

Zgjidhjen e rrugës së kredisë e kundërshton opozita në Gjilan, sipas së cilës komuna nuk u tregua e shkathtë në sigurimin e donatorëve, por hyri në kredi.

Ndërsa, me një veprim të tillë komuna do ta varfërojë edhe më shumë buxhetin për investime kapitale edhe ashtu të vogël. 

© KOHA. Të gjitha të drejtat janë të rezervuara.

20 milionë euro kredi për rrjetin e kanalizimit... by kohanet