Zyrtare: Këta tetë persona synojnë postin e të parit të Drenasit

12 Nëntor 2016 - 15:06      

Komisioni Qendror i Zgjedhjeve mbajti mbledhje, ku mori vendim për Certifikimin e Subjekteve Politike dhe Kandidatëve për pjesëmarrje në Zgjedhjet e Jashtëzakonshme për Kryetar të Komunës së Drenasit (Gllogocit) që do të mbahen më 04 dhjetor 2016.

Zyra për Regjistrim të Partive Politike dhe Certifikim njoftoi Komisionin Qendror të Zgjedhjeve se ka shqyrtuar të gjithë dokumentacionin e pranuar dhe se konstaton se janë plotësuar të gjitha kushtet për certifikimin e tyre, transmeton Koha.net.

Pas kësaj, Komisioni Qendror i Zgjedhjeve mori vendim për certifikimin e Subjekteve Politike dhe Kandidatëve, si në vijim:

1. Partia Demokratike e Kosovës - Ramiz Lladrovci
2. Lidhja Demokratike e Kosovës - Bedri Nika
3. Nisma për Kosovën - Isa Xhemajlaj
4. Aleanca Kosova e Re - Elmi Thaçi
5. Fjala - Vehbi Berisha
6. Kandidat i Pavarur – Xhavit Drenori
7. Kandidat i Pavarur – Naim Bazaj
8. Kandidat i Pavarur – Rrahim Elshani

Po ashtu, gjatë mbledhjes Kryeshefi Ekzekutiv i Sekretaritatit të KQZ-së, Enis Halimi bëri të ditur se përgatitjet për zgjedhjet në këtë komunë janë duke vijuar sipas Planit Operacional të miratuar nga Komisioni Qendror i Zgjedhjeve.

© KOHA. Të gjitha të drejtat janë të rezervuara.