Komuna paguan një kompani 18 herë për 9 muaj

12 Nëntor 2016 - 11:18      

Drejtori për Shërbime Publike, Mbrojtje dhe Shpëtim, Faik Muçiqi, është munduar ta shmangë përgjegjësinë për këtë çështje. Ka thënë se nuk janë drejtorët që i përcaktojnë fituesit e tenderëve, shkruan sot Koha Ditore.

Komunarët e Podujevës kanë paguar jo më pak se 18 herë një kompani private për nëntë muaj të këtij viti. Kur të pjesëtohen këta numra del që kjo kompani për çdo muaj ka marrë nga dy herë mjete nga Komuna. Zyrtarët komunalë as nuk e kanë pohuar e as mohuar këtë fakt, ndërkohë që për opozitën kjo ka qenë diçka jonormale.

Këshilltari i Lëvizjes Vetëvendosje, Bahri Selimi, ka qenë i pari që e ka ngritur këtë çështje në mbledhjen e fundit të Kuvendit Komunal. Ka thënë se pushteti po i favorizon kompani të caktuara, ndërsa ka kompani që nuk mund t’i afrohen as derës së komunës e jo të fitojnë tenderë...(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.