Pesë parti dhe tre të pavarur për zgjedhjet në Drenas

11 Nëntor 2016 - 10:25      

Komisioni Qendror i Zgjedhjeve ka njoftuar se afati për aplikim për certifikim të subjekteve politike për pjesëmarrje në zgjedhjet e jashtëzakonshme për kryetar të Komunës së Drenasit, ka përfunduar në kohën e paraparë.

Sipas KQZ-së, deri në përfundim të ditës së enjte në Zyrën për Regjistrim të Partive Politike dhe Certifikim kanë aplikuar pesë parti politike dhe tre kandidatë të pavarur.

“Zyra për Regjistrim të Partive Politike dhe Certifikim do të shqyrtojë të gjithë dokumentacionin e pranuar dhe brenda afatit të paraparë do të bëjë rekomandimin përkatës tek Komisioni Qendror i Zgjedhjeve për secilin aplikim”, thuhet në njoftim.

Zgjedhjet e jashtëzakonshme për kryetar të Komunës së Drenasit do të mbahen më 4 dhjetor.