Në Rahovec e disa fshatra zgjerohet rrjeti i ndriçimit publik

10 Nëntor 2016 - 14:45      

Rahovec, 10 tetor - Komuna e Rahovecit, përmes buxhetit të saj, ka nisur punimet në realizimin e projektit që ka të bëjë me mirëmbajtjen dhe zgjerimin e ndriçimit publik në qytetin e Rahovecit si dhe nëpër disa fshatra.

Punimet në këtë projekt në Rahovec kanë nisur në rrugën “Xhelal Hajda-Toni”, për të vazhduar edhe në rrugët e tjera, të cilat janë paraparë të mirëmbahen dhe të zgjerohet me rrjet të ri të ndriçimit publik.

Përmes këtij projekti, janë paraparë të mirëmbahet dhe të zgjerohet rrjeti i ndriçimit publik në dhjetë rrugë në qytetin e Rahovecit, kurse fshatrat në të cilët do të zgjerohet ndriçimi publik janë Ratkoci, Fortesa dhe Krushë e Madhe.

Komuna e Rahovecit ka nënshkruar kontratë dy vjeçare me kompaninë e cila do të mirëmbaj rrjetin ekzistues të ndriçimit publik.