Ndërprehet prodhimi i ujit në dy fshatra të Komunës së Lipjanit

9 Nëntor 2016 - 17:55      

Lipjan, 9 nëntor – Kompania Rajonale e Ujësjellësit ” Prishtina ” sh.a., Njësia Operative e Ujësjellësit në Lipjan, njofton banorët e fshatrave Torinë dhe Poturovc të komunës së Lipjanit, se për shkak të vërshimeve nga reshjet e dendura atmosferike ditëve të fundit dhe rritjes së shkallës së turbiditetit në puse , jemi të detyruar të ndërprejmë prodhimin/ distribuimin e ujit për dy fshatrat e lartëcekura.

Situata e furnizimit me ujë të pijshëm në të gjitha zonat e tjera të menaxhimit vazhdon të jetë në suaza normale, thuhet nga “Prishtina”.

Ata kërkojnë mirëkuptim për konsumatorët e dy fshatrave deri në përmirësimin e situatës meteorologjike, respektivisht zonës ku janë të vendosura puset.

© KOHA. Të gjitha të drejtat janë të rezervuara.