Nismë për ringjalljen e degës së LDK-së në Obiliq

9 Nëntor 2016 - 14:45      

Duke pasur parasysh gjendjen e krijuar në vazhdimësi në degën e LDK-së në Obiliq, përçarjet dhe ndasitë, krijimin e fraksioneve dhe grupeve të ndryshme si rezultat i pakënaqësive ka bërë që shumë aktivistë të devotshëm të LDK-së të pasivizohen ose të largohen nga anëtarësia e këtij subjekti politik, andaj, burime të sigurta brenda dhe jashtë degës së LDK-së në Obiliq kanë bërë të ditur se pas shumë konsultimeve është caktuar që prijës i kësaj Iniciative të jetë Mr.Sc. Ermal (Idriz) Kutllovci nga Dardhishta Obiliqit, njëherit i angazhuar me punë në Ministrinë e Tregtisë dhe Industrisë.

Po ashtu mësohet që tashmë kësaj Iniciative i janë bashkuar shumë figura të njohura të LDK-së, që nga themelimi e gjerë më tani, përfshirë ish-kryetarë komune, ish-kandidatë për deputet, ish-drejtorë të departamenteve, kryetarë të nëndegëve, anëtarë kryesie, aktivistë dhe veprimtarë të devotshëm të ndërtimit të institucioneve lokale dhe qendrore, transmeton Koha.net.

Kjo Iniciativë është mirëpritur edhe nga strukturat qendrore partiake, gjë që i jep siguri dhe përkrahje për të ecur tutje në konsolidimin dhe fuqizimin e degës së LDK-së në komunën e Obiliqit.

Moto e kësaj nisme është: Me zemër në LDK! Bashkohu edhe Ti! 

© KOHA. Të gjitha të drejtat janë të rezervuara.