MASHT-i dështon ta hapë shkollën në Podujevë, prindërit paralajmërojnë protestë

9 Nëntor 2016 - 11:32      

Podujevë, 9 nëntor – Zyrtarët e Ministrisë së Arsimit, Shkencës dhe Teknologjisë e kanë shkelur premtimin e dhënë për hapjen e objektit të ri shkollor në Podujevë, që kanë filluar ta ndërtojnë në vitin 2009. Ata kanë premtuar që kjo shkollë do të jetë gati për nxënës më 1 nëntor, por kjo nuk ka ndodhur.

Për shkak të moshapjes së kësaj shkolle, që është e dedikuar për gjimnazin “Aleksandër Xhuvani”, nxënësit e shkollës “Enver Maloku” që presin të vendosen në objektin aktual të gjimnazit po vazhdojnë në mësojnë të shpërndarë në dy shkolla të tjera, shkruan sot “Koha Ditore”.

Prindërit e fëmijëve kishin paralajmëruar edhe bojkotim të mësimit në rast se nuk do të hapej shkolla më 1 nëntor, por ata tash e kanë zbutur qëndrimin.

Kryetari i Këshillit të prindërve, Enver Kadriu, ka thënë se do të protestojnë të mërkurën para objektit komunal, nëse kryetari Agim Veliu nuk u premton se shkolla do të hapet deri këtë ditë... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.