Dhjetëra objekte të braktisura në Gjilan rrezikojnë qytetarët

8 Nëntor 2016 - 09:33      

Gjilan, 8 nëntor - Disa objekte të prishura e të braktisura, vend mbeturinash në lagjen “Dheu i bardhë” të Gjilanit, po rrezikojnë banorët.

Mbeturinat që hidhen në këto dhe para këtyre objekteve, kryesisht të romëve, në rrugën “Abdulla Presheva”, po e rrezikojnë edhe shëndetin publik, ngase në to vihen edhe zjarre për djegie mbeturinash, shkruan sot “Koha Ditore”.

Si pasojë e këtyre zjarreve të shkaktuara zjarrfikësit e Gjilanit detyrohen të shkojnë në këtë lagje për të fikur zjarret dhe për të parandaluar ndonjë rrezik që u kanoset shtëpive afër këtyre deponive të mbeturinave.

Qeverisja komunale e Gjilanit deklaron se ata kishin ndërmarrë disa herë aksione, duke eliminuar deponitë pa leje të mbeturinave brenda qytetit, mirëpo këto aksione nuk kishin dhënë efekte pozitive, ngase, sipas tyre, persona të papërgjegjshëm prapë kishin hedhur mbeturina në shtëpitë e braktisura të romëve... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.