Gjilani me programin Smart City

7 Nëntor 2016 - 12:21      

Komuna e Gjilanit njofton qytetarët se është funksionalizuar në tërësi programi Gjilani Smart City, përmes të cilit mund t’i gjejnë të gjitha informacionet më të rëndësishme për dhe rreth komunës, njofton kumtesa komunale, transmeton Koha.net.

Prej të hënës, qytetarët mund ta shkarkojnë programin Gjilani Smart City në dy sistemet operative, IOS dhe Android.

Ky projekt krijon një lidhje të drejtpërdrejt me qytetarin e komunës së Gjilanit, e bënë pjesë të qeverisjes, duke e rritur kështu në shkallë të lartë transparencën dhe efikasitetin në Komunë.

Projekti përfshinë shërbimet komunale në fushën e ekonomisë, arsimit, sigurisë dhe shëndetësisë etj., ndërkaq të gjitha të dhënat qytetari i Gjilanit i ka në xhepin e tij dhe do të raportoj direkt menaxhmentin e lartë të Komunës për ankesat e kërkesat e mundshme dhe këto do të shkojnë direkt edhe te kryetari i komunës.

Projekti inovativ “Gjilani Smart City” është i pari në rajon i kësaj natyre. Për më shumë klikoni në: www.gjilani-smartcity.com.  

© KOHA. Të gjitha të drejtat janë të rezervuara.