Anulojnë protestën - marrin premtime për vendosje semaforësh

7 Nëntor 2016 - 10:05      

Banorët e fshatit Miradi e Poshtme të Fushë-Kosovës e kanë anuluar protestën e paralajmëruar për të dielën, pasi kanë marrë premtime se do të nisin punimet për vendosje semaforësh në këtë fshat.

Ata kanë protestuar dy të diela pasi ishin aksidentuar për vdekje dy femra brenda 10 ditësh, shkruan sot “Koha Ditore”. Megjithatë, në vendin ku banorët kishin protestuar janë parë policë dhe pjesëtarë të KFOR-it, pasi protesta ishte paralajmëruar se do të mbahej edhe këtë të diel.

Banori, Jasir Krasniqi, thotë se protesta është anuluar pasi ka ardhur një “premtim” se vendosja e semaforëve, do të bëhet në ditët në vazhdim. Pak ditë më parë ai kishte thënë se 300 shtëpi sa ka ky fshat kanë edhe fëmijë që shkojnë në shkollë dhe të gjithë duhet të kalojnë këtë rrugë pa vendkalim për këmbësorët.

(Më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.