Banorët kërkojnë semaforë në vendin ku humbën jetën dy persona

5 Nëntor 2016 - 08:34      

Fushë-Kosovë, 5 nëntor – Banorët e fshatit Miradi të Poshtme të Fushë-Kosovës po kërkojnë që të vendosen semaforë në vendin ku u aksidentuan për vdekje dy femra të këtij fshati.

Ata thonë se janë çdo ditë në rrezik kur kalojnë magjistralen Prishtinë-Pejë, pasi aty nuk ka as vendkalim për këmbësorë (zebra) dhe se shpejtësia që zhvillojnë makinat në këtë pjesë është shumë e madhe. Këta banorë të Miradisë së Poshtme kanë protestuar për dy të diela rresht dhe kanë paralajmëruar edhe protestën e tretë, pasi sipas tyre ende nuk janë marrë parasysh kërkesat e tyre.

Njëri nga këta banorë, Jasir Krasniqi, thotë se mbi 300 shtëpi, sa ka ky fshat, kanë edhe fëmijë që shkojnë në shkollë dhe të gjithë duhet të kalojnë këtë rrugë pa vendkalim për këmbësorë.(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.