Një mësimdhënëseje iu desh dy herë të konkurrojë për vendin e saj të punës

3 Nëntor 2016 - 21:10      

Laura Jahiri, mësimdhënëse e gjuhës shqipe në shkollën fillore “Gjon Serreqi” në Mogillë të komunës së Kllokotit kishte konkurruar dy herë për këtë vend pune, një herë më 2012-ën dhe herën tjetër në gusht të 2015-ës, transmeton Koha.net.

Të parën herë kundërkandidat e kishte Hasan Rashitin, tani nënkryetar në komunën e Kllokotit. Ai kishte bërë ankesë në Gjykatën Themelore në Gjilan dega në Viti për jo profesionalizmin e panelit intervistues. Gjykata kishte vendosur që të anulohet ai konkurs dhe të shpallët një tjetër, transmeton Koha.net.

Jahiri thotë se këtë e kishte bërë vetëm për shkak se nuk ishte pranuar ai si mësimdhënës.

Inspektorati i arsimit në Gjilan kishte rekomanduar që edhe konkursi i fundit të anulohet pasi që dy nga anëtarët e komisionit nuk kishin nënshkruar testin me shkrim të Laura Jahirit, pa dhënë ndonjë sqarim.

Drejtori i kësaj shkolle, Fatmir Hetemi i cili kishte qenë edhe kryetar i komisionit intervistues, thotë që ky ka qenë vetëm pretekst për ta anuluar konkursin, pasi sipas tij Laura ka qenë kandidatja e vetme që ka plotësuar të gjitha kushtet e kërkuara.

© KOHA. Të gjitha të drejtat janë të rezervuara.

Një mësimdhënëse iu desh dy herë të konkurrojë... by kohanet