Drenasi riorganizon grumbullimin e mbeturinave

3 Nëntor 2016 - 16:31      

Drejtoria e Shërbimeve Publike në bashkëpunim me organizatën gjermane GIZ, ndërmarrjen “Pastrimi” dhe organizata “CE&AE”, të enjten kanë bërë riorganizimin e qytetit me kontejnerë 1.1 m², janë vendosur shportat rrugore, shportat në sheshin "Fehmi Lladrovci", zëvendësimi i kontejnerëve të rinj në qendër të qytetit si dhe ka vazhduar zgjerimi i shërbimit me kontejnerë 120L në fshatin Tërdec, dhe do të vazhdojë me Abrinë.

Në këtë aktivitet, kanë marrë pjesë nënkryetari i Komunës, Arsim Haxhiu, drejtoresha e Shërbimeve Publike, Hyrije Xhemajlaj-Thaqi, drejtori i GIZ-it, Kai Hofman, kryeshefi ekzekutiv i kompanisë “Pastrimi” Feim Salihu, përfaqësues të OJQ-së, "CE&AE" dhe përfaqësues të institucioneve.

Fillimisht janë vendosur shportat në sheshin "Fehmi Lladrovci", që këtij aksioni i janë bashkangjitur edhe nxënësit e tri shkollave, pastaj janë vendosur kontejnerët në qendër të qytetit në kuadër të projektit për riiogranizimin e qendrës, si dhe është bërë zgjerimi i menaxhimit të mbeturinave në fshati Tërdec dhe do të vazhdojë me Arbërinë.

Më këtë rast, drejtori i GIZ-it, Kai Hofman, ka përgëzuar Komunën e Drenasit për angazhimin dhe përkrahjen e projektit për zgjerimin e menaxhimit të mbeturinave dhe riorganizimit të qendrës së qytetit, ndërsa ka theksuar se përkrahja e GIZ-it nuk do të mungojë edhe ne të ardhmen.

Drejtoresha e Shërbimeve Publike dhe Emergjencë, Hyrije Xhemajlaj-Thaqi, ka bërë prezantimin e gjendjes aktuale në fushën e menaxhimit të mbeturinave. Sot po ashtu është bërë pranim dorëzimi i automjetit i cili do të shërbejë për bartjen e mbeturinave, automjet i cili është blerë me participim nga Komuna e Drenasit, GIZ-i dhe kompania “Pastrimi”.

© KOHA. Të gjitha të drejtat janë të rezervuara.