Statusi i personave me aftësi të kufizuara, i kushtëzuar nga buxheti

3 Nëntor 2016 - 11:01      

Përfaqësues të institucioneve të nivelit lokal dhe qendror, të mërkurën, kanë pohuar se janë të angazhuar në drejtim të zbatimit të politikave më të mira për të drejtat e personave me aftësi të kufizuara, shkruan sot Koha Ditore.

Por, kanë pranuar se në këtë rrafsh ka sfida të shumta, të cilat nuk po mund të kapërcehen për shkak të mungesës së mjeteve buxhetore. Në tryezë, organizuar në Prizren nga misioni i OSBE-së, si një ndër problemet kryesore në këtë drejtim, është cekur edhe sigurimi i qasjes fizike për PAK-ët në objektet e institucioneve publike.

Ndërkohë aktivistë të shoqërisë civile nga Prizreni kanë kërkuar përkushtim më të madh nga zyrtarët lokalë dhe qendrorë për zbatimin e legjislacionit dhe politikave të miratuara për këtë kategori shoqërore. "Ne nuk kërkojmë lëmoshë. As keqardhje. Mjafton që t'i zbatoni ligjet, strategjitë, planet e veprimit të miratuara për PAK-ët", ka thënë Resmije Rahmani, aktiviste nga Organizata e Personave me Distrofi Muskulore.
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.