Sërish protestë në Vragoli kundër aksidenteve, bllokohet magjistralja Prishtinë-Pejë

30 Tetor 2016 - 12:59      

Banorët e fshatit Vragoli për të dytën herë në pak ditë kanë bllokuar magjistralen Prishtinë-Pejë, në shenjë proteste për dy viktimat që janë shkaktuar në këtë pjesë brenda një periudhe të shkurtër kohore.

Ata po kërkojnë që të merren masa për parandalimin e aksidenteve tjera, duke pamundësuar shpejtësinë me të cilën kalojnë automjetet në këtë fshat, vendosjen e sa më shumë shenjave të komunikacionit, vendosjen e semaforëve, si dhe lidhjet më magjistrale të kenë gjatësi më të mëdha, raporton KP.

Banorët paralajmërojnë se do ta bllokojnë këtë rrugë çdo javë, deri në marrjen e këtyre masave.

Kolona e automjeteve në këto rrugë është e gjatë mbi 2 kilometra. Ndërkohë që në vendin e ngjarjes kanë dal edhe një numër i madh i pjesëtarëve të Policisë së Kosovës.