Veteranët e Drenasit të hënën në protestë

29 Tetor 2016 - 10:31      

Organizatat e dala nga lufta e Ushtrisë Çlirimtare të Kosovës, dega në Drenas, ka njoftuar që të hënën do të protestojnë në shenje pakënaqësie për dënimet e fundit të komandantëve dhe ushtarëve të Ushtrisë Çlirimtare të Kosovës.

Sipas organizatave të dala nga lufta e UÇK-së, dega në Drenas, këto dënime tentojnë që ta ulin vlerën e luftës çlirimtare, mundin dhe sakrificën e gjithë të rënëve për lirinë e Kosovës, gjithë ushtareve që sakrifikuan jetën e tyre për të mbrojtur pragun e shtëpisë.

“Protesta mbahet në sheshin “Fehmi Lladrovci”, duke filluar nga ora 12:00. Eja edhe ti, t’i mbrojmë vlerat e luftës së lavdishme të Ushtrisë Çlirimtare të Kosovës, ta mbrojmë amanetin e dëshmoreve dhe gjakun e derdhur për liri”, thuhet në ftesën e organizatave të dala nga lufta e Ushtrisë Çlirimtare të Kosovës, dega në Drenas.

© KOHA. Të gjitha të drejtat janë të rezervuara.