Inspektorati procedon 32 procesverbale për ndotje ambienti

29 Tetor 2016 - 11:34      

Inspektorati i komunës së Lipjanit ka publikuar raportin e muajit shtator të këtij viti në të cilën thuhet se janë bërë 32 procesverbale për qytetarë të cilët kanë ndotur ambientin, shkruan sot Koha Ditore.

Ndërkaq midis tyre janë përfshirë edhe banorët e fshatrave: Gadime e Epërme, Medvec, Babush i Muhagjerëve dhe Konjuh të cilët nuk janë lidhur në rrjetin e kanalizimit megjithëse ky projekt tashmë ka përfunduar.

“Pas kërkesave dhe ankesave në këto fshatra kemi bërë inspektime derisa banorët nuk i kanë bërë lidhjet e shtëpive në rrjetin e kanalizimit, andaj nëpërmjet procesverbaleve kemi urdhëruar banorët t’i bëjnë lidhjet sa më shpejtë”, thuhet në raportin e Inspektoratit të komunës. Përveç kësaj, si problematike është përmendur edhe hedhja e gjësendeve në hapësirat publike, të cilat po e ndotin ambientin.

“Në lidhje me hedhjen e materialeve të ndryshme dhe mbeturinave në hapësira publike kemi urdhëruar qytetarët që t’i mënjanojnë parregullsitë e veta. Prandaj kemi bërë inspektime të vazhdueshme derisa qytetarët po hedhin mbeturina nëpër deponi pa leje”,thuhet midis të tjerash në raport të Inspektoratit...(Artikullin e plotë mund ta lexoni në numrin e sotëm të Kohës Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.