50 fermerë përfitojnë nga komuna sistemin e ujitjes

28 Tetor 2016 - 14:34      

50 fermerë që merren me kulturat e mjedrës, manaferrës, fasules etj., në Komunën e Ferizajt kanë përfituar sistemin pikë-pikë nga Drejtoria Komunale Bujqësisë në vlerë prej 60 mijë eurosh.

Ismet Vranovci, drejtori i Bujqësisë në Komunën e Ferizajt, gjatë shpërndarjes së pajisjeve ka thënë se sistemi i ujitjes për fermerët ferizajas po bëhet në kuadër të subvencionimeve të vazhdueshme. “Në javën e ardhshme do të mbajmë një trajnim për të gjithë përfituesit që kanë përfituar sistemin e ujitjes.

Janë 50 përfitues dhe më gëzon shumë fakti se prej tyre 17 përfituese janë femra të cilat krijojnë të ardhura dhe është një projekt jashtëzakonisht i mirë. Ky është një projekt që do të ndikojë pozitivisht në ngritjen e rendimentit, posaçërisht në ato kulturat e imëta siç janë manaferrat, mjedrat, fasulja dhe kultura të tjera që përfitojnë sistemin e ujitjes”, ka thënë drejtori Vranovci, shkruan sot më gjerësisht Koha Ditore.

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.