Në Pejë debat i ashpër për mbeturinat

27 Tetor 2016 - 13:03      

Në seancën e së mërkurës të Kuvendit Komunal të Pejës është zhvilluar debat i ashpër për Rregulloren për menaxhim të mbeturinave, për tatim në pronë dhe ridestinimin e 360 mijë eurove, shkruan sot Koha Ditore.

Subjekti opozitar AAK Rregulloren për mbeturina e pa si të panevojshme të miratohej. Këshilltari i AAK-së, Naim Sahiti, dhe kryesuesi i Asamblesë, Islam Husaj, zhvilluan madje një dialog mes vete për shkak të kësaj rregulloreje, për shkak se Sahiti konsideronte se ky dokument për menaxhimin e mbeturinave është në shpërpushje me Ligjin mbi mbeturinat dhe se komuna duhet ta ketë një plan për administrimin e mbeturinave sipas Ligjit mbi mbeturina.

Një plan të tillë Asambleja e Pejës e ka miratuar seancën e kaluar, por ai plan sipas Sahitit nuk i ka të gjitha komponentët që i kërkon ligji sipas nenit 6, i cili ndër të tjera thotë se plani lokal për administrimin e mbeturinave duhet të ketë sasinë dhe llojet e mbeturinave që pritet të krijohen.
(Më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.