Nxënësit me armë, sfidë për sigurinë në shkolla

27 Tetor 2016 - 12:03      

Drejtori i Arsimit i Komunës së Podujevës, Avni Maloku, ka thënë se bartja e armëve nga nxënësit, është sfidë për shkollat e kësaj komune.

Në mbledhjen e Këshillit Komunal të Sigurisë në Bashkësi (KKSB), Maloku ka theksuar se për eliminimin e kësaj dukurie do të koordinojë aktivitetet me organizata të ndryshme.

“Drejtori i Drejtorisë së Arsimit, Avni Maloku, ka prezantuar një informatë lidhur me sigurinë në shkolla në fillim të këtij viti shkollor. Në raportin e prezantuar drejtori Maloku ka thënë se në aktivitetin e saj kjo drejtori është fokusuar në krijimin e kushteve për siguri në shkolla. Lidhur me këtë çështje u tha se sfidë për sigurinë në shkolla vazhdon të jetë eliminimi i dukurisë së bartjes së mjeteve,armëve të ftohta nga nxënësit, por edhe dukurive të tjera devijuese”, thuhet në njoftimin e shtypit të Zyrës së informimit të Komunës së Podujevës, shkruan sot më shumë Koha Ditore.

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.