“Java e turizmit” me pjesëmarrës nga rajoni e Evropa

25 Tetor 2016 - 11:43      

Me pjesëmarrjen e operatorëve turistikë nga vendet e rajonit dhe Evropës, në Prizren, të hënën, ka filluar “Java e turizmit”, që organizohet nga Komuna e Prizrenit prej 24 deri më 27 tetor.

Në hapjen e kësaj jave, autoritetet komunale kanë theksuar se i kushtojnë rëndësi zhvillimit të turizmit, me qëllim që shtimi i numrit të vizitorëve të ndikojë në rritjen e ekonomisë lokale, shkruan sot “Koha Ditore”.

Kryetari i Komunës, Ramadan Muja, para mysafirëve të huaj ka theksuar se pavarësisht konflikteve të shumta Prizreni ka arritur që të ruajë numër të konsiderueshëm të monumenteve të trashëgimisë historike e kulturore dhe se kësisoj vazhdon që të jetë tërheqës për vizitorët nga vendi dhe bota.

“Prizreni është një qytet shumetnik dhe shumë fetar, ku toleranca është njëra ndër vlerat më të shquara”, ka thënë Muja, duke veçuar edhe popullatën e re si aset të rëndësishëm... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.