NISMA akuzon Ekzekutivin lokal për shkelje ligjore në arsim

25 Tetor 2016 - 11:22      

Dega e NISMA-s në Prizren, të hënën, ka akuzuar Qeverinë lokale të Ramadan Mujës se po vazhdon që ta kriminalizojë arsimin në këtë komunë. Përmes një komunikate shtypi, dega e këtij subjekti politik ka akuzuar Ekzekutivin komunal për shkelje ligjore sidomos në rastet e punësimit në sektorin e arsimit.

“Qeveria komunale e të dënuarit për shkelje ligjore, krim të organizuar dhe korrupsion, Ramadan Muja, vazhdon ta kriminalizojë edhe më tej arsimin në Prizren, ku pas emërimit në DA të drejtorit, i cili është nën hetime për falsifikim nga organet e drejtësisë, në këtë sektor vazhdojnë me të madhe shkeljet ligjore me theks të veçantë në punësim”, thuhet në komunikatën e Zyrës së informimit të degës së NISMA-s, shkruan sot “Koha Ditore”.

Aty theksohet, ndërkaq se konkurset për punësim në DA të Prizrenit janë shumë formale, sepse vendet e punës janë të rezervuara, apo të dedikuara për partizanët e partisë në pushtet dhe për familjarët e parapolitikës qeveritare të Prizrenit... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.