Peja kërkon ndihmën e KFOR-it për trajtim qensh endacakë

25 Tetor 2016 - 10:50      

Komuna e Pejës është duke zhvilluar bisedime me trupat paqeruajtëse italiane të KFOR-it për përfshirjen e mundshme të tyre për trajtimin e mijëra qenve endacakë, me të cilët po përballet popullata pejane, sidomos këta dy-tre muajt e fundit.

Aktualisht drejtuesit e komunës janë në bisedime me përfaqësues të KFOR-it dhe shpresohet që gjatë kësaj jave të arrihet edhe një marrëveshje, shkruan sot “Koha Ditore”.

Shefi i kabinetit të kryetarit të Pejës, Durim Sheremeti, i ka thënë KD-së se komuna është duke bërë përpjekje që të arrihet kjo marrëveshje me KFOR-in , që pastaj me veterinerët e tyre që i kanë të krijohet një ekip që do të merret me trajtimin e qenve.

“Këtë javë e kemi takimin e fundit me KFOR-in për këtë punë dhe besojmë që do të arrijmë edhe marrëveshjen. Ka mbetur të diskutohet edhe për lokacionin se ku do t’i trajtojmë qentë endacakë”, ka theksuar Sheremeti... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.