Kryetari i Prizrenit mohon tentativën e rrëmbimit të nxënëses boshnjake

25 Tetor 2016 - 08:31      

Kryetari i Komunës së Prizrenit, Ramadan Muja, ka hedhur poshtë pretendimet e drejtuesve të Partisë së Re Demokratike (NDS) për rastin e tentativë rrëmbimit të një nxënëseje boshnjake, që ndjek mësimin në shkollën e mesme të mjekësisë “Luciano Motroni”, duke theksuar se ky subjekt ka reaguar për një “incident” që nuk ka ndodhur.

Ai ka theksuar se inskenimet e tilla janë shqetësuese, pasi që bazuar në hetimet e deritashme të policisë nuk janë gjetur prova për tentativë rrëmbimi, ndërkohë që tashti lënda është proceduar në prokurori, shkruan sot “Koha Ditore”.

Muja ka pohuar se të gjithë i janë gëzuar kalimit të nxënësve në objektin e ri të shkollës së mjekësisë, me ç’rast angazhimi i organeve komunale ka qenë për rend e qetësi për të gjithë nxënësit e kësaj shkolle, në mënyrë që ata të dalin sa më të përgatitur pas përfundimit të shkollimit... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.