Apeli shfajëson zyrtarët komunalë të Drenasit [video]

22 Tetor 2016 - 20:11      

Gjykata e Apelit ka hedhur poshtë vendimin e Gjykatës Themelore të Prishtinës, e cila i kishte shpallur fajtorë, duke i dënuar disa me burg efektiv e disa me kusht gjashtë zyrtarë të Komunës së Drenasit, për keqpërdorim të detyrës apo autoritetit zyrtar.

Në arsyetim vendimin e Apelit, thuhet se për veprat penale të dënueshme deri në tre vjet burgim, ndjekja penale nuk mund të ndërmerret nëse kanë kaluar tre vjet nga kryerja e veprës penale-ndalesa relative.

“Duke pasur parasysh se afati i parashkrimit të ndjekjes penale fillon nga dita kur është kryer vepra penale. Në rastin konkret ka arritur parashkrimi relativ, ngase që nga koha e kryerjes se veprës penale, kane kaluar më tepër se tre vjet, për çfarë me të drejtë pretendojnë edhe mbrojtësit e të akuzuarve”, thuhet në vendim të Gjykatës së Apelit.

Asamblistët në këtë komunë, opozitë e pozitë, këtë e quajnë ndërhyrje të politikës në sistemin e drejtësisë. 

© KOHA. Të gjitha të drejtat janë të rezervuara.

Apeli shfajëson zyrtarët komunalë të Drenasit by kohanet