PDK e LDK në Ferizaj tash një dekadë s’dakordohen për ndërtimin e spitalit [video]

21 Tetor 2016 - 20:46      

PDK-ja e LDK-ja për 10 vjet rresht nuk kanë mundur të gjejnë një gjuhë të përbashkët sa i përket ndërtimit të një spitali regjional në Ferizaj.

Me ndërrimin e pushtetit në këtë komunë, ndërrohej edhe lokacioni i spitalit, raporton KTV.

PDK-ja, sa ishte në pushtet, kishte vendosur që në tregun e atëhershëm të kafshëve, të ndërtonte spitalin, duke gjetur edhe donatorë, por me të ardhur në pushtet, LDK-ja e kishte anuluar projektin e tyre.

PDK-ja në këtë komunë akuzon kryetarin Sfarqa, duke thënë se e gjithë kjo është bërë për çështje inatesh, e jo për interesa të qytetarëve.

Sipas tyre, vendi ku do të ndërtohet spitali është i papërshtatshëm e në dëm të qytetarëve.

Në Vetëvendosje thonë se vonesat janë bërë, për shkak të interesave personale dhe gjatë kësaj kohe, qytetarët e këtij vendi kanë humbur shumë.

Por kryetari nuk e ka një përgjigje për vonesat që janë bërë për fillimin e ndërtimit të këtij spitali. Tv Arta ka provuar të marrë një përgjigje edhe nga Ministria e Shëndetësisë, por të njëjtit kanë qenë të paqasshëm.

PDK e LDK në Ferizaj tash një dekadë s... by kohanet

© KOHA. Të gjitha të drejtat janë të rezervuara.