Prizreni gjatë 9 muajve arkëton afro 50 për qind të të hyrave vetjake

21 Tetor 2016 - 10:22      

Komuna e Prizrenit në periudhën janar – shtator të këtij viti ka arritur që të arkëtonte më pak se gjysmën e mjeteve të planifikuara për tërë vitin, shkruan sot Koha Ditore.

Bazuar në të dhënat e paraqitura në raportin e realizimit të buxhetit komunal për këtë periudhë figuron se Ekzekutivi lokal ka mbledhur mbi 4.6 milionë euro nga 9.48 milionë të planifikuara për tërë vitin, apo 49 për qind të të hyrave vetjake. Paralelisht me këtë shpenzimet e përgjithshme të buxhetit gjatë periudhës janar-shtator 2016 kanë arritur në 26,35 milionë euro apo 62 për qind.

Në raport, kopjen e së cilës e ka siguruar KD-ja, shkruan se shuma e tërësishme e arkëtuar e të hyrave vetjake komunale për këtë periudhë të raportimit është 4,6 milionë euro ose 49 për qind e shumës së planifikuar prej 9,48 milionë eurosh. Aty sqarohet se në po të njëjtën periudhë të vitit të kaluar të hyrat vetjake janë arkëtuar në shumë prej 3,87 milionë eurosh, apo 47 për qind e shumës së planifikuar prej 8,27 milionëve.
(Më shumë sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.