Qeveria s`i mbështet komunat për dëmet nga fatkeqësitë natyrore

20 Tetor 2016 - 08:52      

Me dhjetëra qytetarë të Komunës së Pejës kanë pritur kot mëshirën e Qeverisë si kompensim të dëmeve të shkaktuara nga fatkeqësitë natyrore, porse kjo nuk ka ndodhur, shkruan sot Koha Ditore.

Bujqësia dhe infrastruktura kanë mbetur vetëm të evidentuara në letër. Komuna nuk i ka ndihmuar, e as niveli qendror nuk ka treguar ende interesim që t’u ndihmojë.

Muhamet Mahmutaj, drejtor i Drejtorisë për Mbrojtje dhe Shpëtim të Komunës së Pejës, thotë se të gjitha dëmet janë vlerësuar dhe listat e përgatitura i janë dorëzuar zyrës së kryetarit. “Ne nuk kemi pasur mundësi t’i ndihmojmë me asgjë. Buxhet për fatkeqësi natyrore nuk kemi, por vetëm një për intervenime në raste emergjente”, thotë Mahmuti. Këto lista kanë përfunduar më vonë edhe në duart e pushtetit qendror, por pa nxjerrë ndonjë cent prej tyre.
(Më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.