Drejtoritë komunale të Pejës, pa komunikim ndërmjet vete

17 Tetor 2016 - 11:47      

Komunikimi ndërmjet drejtorive komunale, si dhe me institucione e qytetarë është i mangët në Komunën e Pejës.

Mungesa e komunikimit ka nxjerrë në sipërfaqe edhe nevojën e krijimit të një strategjie për ngritjen e këtij komunikimi, jo vetëm mes drejtorive komunale por edhe të ekzekutivit me asamblenë, me qytetarë dhe media, shkruan sot “Koha Ditore”.

Kjo strategji e hartuar vitin e kaluar me iniciativë të OSBE-së dhe të Kuvendit Komunal, është miratuar në fund të muajit korrik, pasi që drejtoritë komunale janë njohur mirë me përmbajtjen, detyrat dhe obligimet e tyre që i kërkon kjo strategji.

Ndërkohë është kompletuar edhe komisioni i formuar nga asambleja për monitorimin e zbatimit të kësaj strategjie nga institucionet komunale. Komision e ka nisur punën këtë muaj, pasi është kompletuar me të gjithë shtatë anëtarët e tij.

Pesë janë këshilltarë komunalë nga subjektet e përfaqësuara në asamble dhe nga një përfaqësues i shoqërisë civile dhe ekzekutivit.

(Tekstin e plotë lexojeni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.