Pozita e opozita në Gjilan përplasen për shkollën e bujqësisë [video]

16 Tetor 2016 - 20:18      

Drejtoria e Arsimit në Komunën e Gjilanit po shqyrton mundësitë që nxënësit e shkollës së bujqësisë t’i zhvendosë në kampusin e shkollave të mesme, në mënyrë që objekti i shkollës së bujqësisë të shfrytëzohet vetëm për orë praktike.

Mirëpo sipas lëvizjes Vetëvendosje, në këtë komunë, zyrtarët komunalë e kanë ndarë mendjen dhe këtë nxënës do të fillojnë mësimin në gjimnazin e shkencave natyrore më datën 17 të këtij muaji.

E PDK-ja në Gjilan rekomandon që drejtuesit komunalë ta bëjnë shkollën më atraktive, t’i stimulojnë nxënësit, por në asnjë mënyrë t’i zhvendosin.

Në Drejtorinë e Arsimit i mohojnë akuzat e opozitës, duke thënë që e kanë menduar vetëm si opsion dhe se ende nuk është vendosur asgjë.

© KOHA. Të gjitha të drejtat janë të rezervuara.