Ndotja në Obiliq i tejkalon të gjitha standardet

13 Tetor 2016 - 10:47      

Lëvizja Vetëvendosje ka adresuar një varg kritikash ndaj komunarëve të Obiliqit dhe zyrtarëve qeveritarë për ndotjen në këtë Komunë. Zyrtarët e saj kanë thënë se ndotja e ajrit në Obiliq i tejkalon të gjitha standardet. Nëpërmjet një komunikate për media, LVV-ja konsideron se qytetarët e Obiliqit janë të pafuqishëm dhe të pambrojtur nga institucionet, shkruan sot Koha Ditore.

“Në Komunën e Kastriotit gjendja e ambientit është shumë e keqe, kurse qytetarët në këtë komunë po ndihen të pafuqishëm dhe të pambrojtur nga institucionet qendrore dhe ato lokale. Qytetarët e Kastriotit në vazhdimësi janë duke u ballafaquar me ndotje të ajrit, e cila i tejkalon të gjitha standardet. Nëse shikojmë një qytet industrial në Bashkimin Evropian dhe bëjmë krahasimin në raport me ndotjen e ajrit, del se ajri në Komunën e Kastriotit është shumë herë më i ndotur, thuhet në komunikatën për media të LVV-së, shkruan sot më gjerësisht Koha Ditore.

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.