Veseli: Mitrovica shumë shpejt do ta ketë bustin e Azem Galicës

12 Tetor 2016 - 14:32      

Kryetari i Kuvendit të Kosovës, Kadri Veseli, në përurimin e bustit të Azem Galicës në shkollën e fshatit Galicë, tha se populli ynë ka marrë plagë të rënda, ngjashëm siç ndodhi edhe tash me arrestimin e nënkolonelit Nehat Thaçit.

Veseli, gjatë përurimit të kësaj shkolle, ka folur për figurën e heroit kombëtar, Azem Galicës, duke thënë se ai ishte frymëzim i tiji që nga lindja, raporton KP.

Ai tha se shumë shpejt edhe Mitrovica do ta ketë bustin e tij.

“Të dashur fëmijë, mos harroni se kah vini dhe cilit popull i takoni. Punoni, përkushtohuni për të ardhmen tuaj”, tha Veseli.

I pranishëm në këtë përurim është edhe Agim Bahtiri, kryetari i komunës se Mitrovicës, si dhe përfaqësues nga komuna e Vushtrrisë.