Fshatrat e Ferizajt, të painformuara për organizime debatesh

10 Tetor 2016 - 10:50      

Qytetarët e Komunës së Ferizajt janë ankuar se Ekzekutivi dhe Kuvendi gjatë këtij viti nuk po i bën njoftimet nëpër fshatra për debate me qytetarë rreth shqyrtimit të rregulloreve të ndryshme, ndaj si pasojë e mospranisë së tyre, po dështojnë shumica e debateve publike.

Një debat i tillë ka dështuar edhe të shtunën, i cili kishte për synim shqyrtimin e planit të veprimit që promovon integritetin dhe zvogëlimin e rreziqeve të korrupsionit, shkruan sot “Koha Ditore”.

“Qytetarët janë të shqetësuar që Ekzekutivi dhe Legjislativi i Komunës së Ferizajt nuk po angazhohen të bëjnë njoftime më të zgjeruara për mbajtjen e debateve publike. Njoftimet po i shpërndajnë vetëm në disa pika në qytet, ndërsa nëpër fshatra nuk marrim asnjë njoftim për ndonjë debat me qytetarët. Debatet e ndryshme për shqyrtimin e rregulloreve janë shumë të rëndësishme dhe të domosdoshme, mirëpo ato pastaj po miratohen pa kontributin e qytetarëve, prandaj kërkojmë që informimi rreth kësaj çështje të jetë më i madh”, është ankuar Muhamet Karaliti banor nga fshati Pleshinë.

(Më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.