Prizreni planifikon shtigje çiklistësh nga lagjja “Bajram Curri” deri në Vlashnje

10 Tetor 2016 - 08:55      

Drejtoria e Turizmit e Prizrenit do të hartojë projektin për ndërtimin e shtigjeve për çiklistë në relacionin lagjja “Bajram Curr” - fshati Vlashnje, pavarësisht se prej një kohe aktivistët e shoqërisë civile kanë kërkuar që këto shtigje të aplikohen edhe në rrugët kryesore të qytetit, me qëllim të krijimit të mundësive për qarkullim të barabartë në trafik edhe për këtë komunitet.

Drita e gjelbër për lejimin e hartimit të këtij projekti është dhënë në mbledhjen e fundit të Qeverisë lokale, shkruan sot “Koha Ditore”.

Teksa ka lexuar kërkesën e Drejtorisë së Turizmit, kryetari Ramadan Muja ka bërë të ditur: “Qëllimi i hartimit të projektit për ndërtimin e shtigjeve për çiklistë është krijimi i ambientit të përshtatshëm për çiklistët profesionistë, qytetarët dhe turistët potencialë, të cilët do t’i shfrytëzojnë për atraktivitete sportive dhe ngasje të biçikletave, derisa rezultatet e pritura nga projekti janë rritja e kapaciteteve turistike dhe krijimi i infrastrukturës së përshtatshme për çiklistë”.

(Më gjerësisht lexoni sot në Koha Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.