Asnjë investim në rrugën në Shipitull, aksidentet të paevitueshme [video]

9 Tetor 2016 - 21:32      

Po bëhet kohë e gjatë që komuna e Obiliqit nuk ka investuar asnjë cent për rregullimin e rrugës së fshatit Shipitull.

Rruga është shumë e prishur dhe për pasojë aksidentet kanë qenë të paevitueshme, raporton KTV.

Banorët e fshatit thonë se çdoherë u kanoset rreziku kur kalojnë nëpër këtë rrugë, mirëpo në pamundësi për zgjidhje tjera, ata detyrohen ta shfrytëzojnë atë.

Kjo rrugë është shumë e qarkulluar pasi lidh fshatra të shumta të Obiliqit, por ka qasje edhe nëpër rrugët e dy komunave të tjera, si Fushë Kosovës dhe Drenasit.

E, pikërisht për këtë arsye, nga komuna e Obiliqit thonë se nuk kanë mundur të investojnë asgjë.

Burim Gërguri drejtor për Shërbime Publike dhe Emergjencë, ka thënë se kanë kërkuar në Ministrinë e Infrastrukturës që kjo rrugë nga lokale të kalojë në regjionale, në mënyrë që të bëhet më pas rregullimi i saj.

© KOHA. Të gjitha të drejtat janë të rezervuara.