Me barkë në shkollë

9 Tetor 2016 - 07:34      

Rremat i lëviz me të dyja duart dhe me krejt fuqinë e një trembëdhjetëvjeçari. I ulur në dërrasën e vendosur në mes të barkës, Mentor Ibrahimi mundohet të balancojë shpejtësinë me valët e liqenit. Prapa tij ulen dy fëmijë. Tre të tjerë në anën tjetër të barkës për të mbajtur ekuilibrin. Para se të nisin lundrimin sigurohen se gjithçka është në rregull.

Të martën e kësaj jave ata nuk kishin dalë të lundronin për qejf. As për të zënë peshk. Po ktheheshin nga shkolla, shkruan sot “Koha Ditore”.

Nxënësi i klasës së tetë të shkollës fillore “Zahir Pajaziti” në fshatin Orllan të Podujevës së bashku me katërmbëdhjetë fëmijë të tjerë të fshatit, e “këpusin” dy herë në ditë me barkë Liqenin e Batllavës, pesë ditë të javës.

“Në mësim shkojmë dhe kthehemi me barkë, se për të ecë nga ana tjetër, rruga është shumë e gjatë. I bëjmë më shumë se një orë në këmbë dhe rruga është thuajse e pakalueshme”, thotë Mentori, gjersa u jep lopatave prej druri. Si më i madhi ndër fëmijët lundërtarë, Mentori e merr përsipër barrën e shtyrjes së rremave thuajse çdo ditë... (më gjerësisht lexoni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.