Grupe punuese për arkëtimin e taksave për firmë

8 Tetor 2016 - 10:31      

“Zyrtarët e Drejtorisë së Financave i kanë të gjitha kompetencat për arkëtimin e këtyre taksave dhe paguhen për këtë punë. Ndërsa inspektorin që duhet ta dërgojmë ngjan sikur që duhet të qëndrojë aty si truprojë. Kjo nuk po më duket si formë e përshtatshme për arkëtimin e të hyrave”, ka deklaruar Bujar Hasani, drejtor i Inspektorateve, shkruan sot Koha Ditore.

Qeveria Komunale e Prizrenit ka marrë vendim për formimin e grupeve punuese, të përbëra nga zyrtarët e Drejtorisë së Financave dhe të Drejtorisë së Inspektorateve për arkëtimin e taksave komunale për firmë. Me këtë rast, Ekzekutivi lokal edhe njëherë ka pranuar se nuk ka mundur t’i përmbushë objektivat e përcaktuara në këtë zë buxhetor.

Kryetari i Komunës së Prizrenit, Ramadan Muja, teksa ka lexuar propozimin e Drejtorisë së Financave për formimin e grupeve punuese ka pohuar se “edhe përkundër angazhimit permanent në grumbullimin e taksave komunale për firmë, DEF nuk e ka arritur objektivin e caktuar”.

“Prandaj e shohim të arsyeshme, që për të qenë më të suksesshëm në këtë drejtim të formohen grupe për inkasimin e taksave (borxheve), me mbështetje edhe nga DI që të dalim në terren dhe të arrijmë rezultate sa më të mira në ngritjen e të hyrave të buxhetit komunal”, ka thënë Muja...(Artikullin e plotë mund ta lexoni në numrin e sotëm të Kohës Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.