Nis projektin për energji alternative prej 46 milionësh

7 Tetor 2016 - 11:03      

Kryetari i Kamenicës, Begzad Sinani, me bashkëpunëtorët ka inspektuar nisjen e punimeve të projektit të parë në rajon për energji alternative me erë nga kompania “AIR Energy – Guris” në majën e Kitkës në 1.158 metra lartësi mbidetare, shkruan sot Koha Ditore.

Për këtë projekt ai është shprehur: “Ne si komunë me qeverisjen e mirë që po bëjmë kemi krijuar një imazh dhe mundësi të mirë për investitorët që kanë kapital për të investuar në Komunën e Kamenicës.

Kuvendi Komunal, Drejtoria e Urbanizmit dhe ajo e Pronës, Gjeodezisë dhe Kadastrës, kanë kryer të gjitha procedurat e nevojshme në mënyrë profesionale. Prandaj ndihem jashtëzakonisht mirë që në komunën tonë po punohet në projektin, vlera e të cilit është 46 milionë euro, investime në prodhimin e energjisë alternative me erë 33 MW, kurse nga ky projekt do të përfitojnë qytetarët tanë dhe komuna jonë në përgjithësi”, shkruan sot më shumë Koha Ditore.

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.