Rexhaj: AAK-ja në Prizren s’mund të flasë për keqqeverisje pa dalë nga koalicioni

5 Tetor 2016 - 12:52      

Prizren, 5 tetor – Deklarata e nënkryetarit të Komunës së Prizrenit, Lulzim Kabashi, që njëherësh drejton edhe degën e AAK-së, se nuk ka bashkëpunim të duhur me kryetarin Ramadan Muja për zbatimin e politikave publike është cilësuar si hipokrizi nga këshilltarët e opozitës.

Sipas tyre, AAK-së në Prizren nuk i shkon përshtati tani që të luajë rolin e opozitarit, ndërkohë që vazhdon të jetë pjesë e koalicionit bashkëqeverisës në nivel komunal, shkruan sot “Koha Ditore”.

“Hipokrizia nuk ka fund. AAK-ja në Prizren edhe është në bashkëqeverisje, edhe thotë se Prizreni nuk e meriton një qeverisje të tillë. Atëherë shtrohet pyetja, pse kanë bashkëqeverisur prej 3 vjetësh? Pse tashti, në vitin e fundit e luan rolin e opozitarizmit, duke qenë ende në pozitë? Hajde, po bëhemi edhe ne hipokritë, atëherë shtrohet pyetja, pse nuk del nga koalicioni, pavarësisht që ka bashkëqeverisur Prizrenin së bashku me PDK-në, 3 vjet. Pse tashti nuk del nga koalicioni?”, ka thënë Arbër Rexhaj këshilltar i Lëvizjes Vetëvendosje në Kuvendin e Prizrenit.

Sipas tij, nënkryetari i komunës është kujtuar vonë për faktin se kjo pozitë i ka kompetencat e kufizuara ekzekutive... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.