Rruga afër Kishës katolike të Ferizajt merr emrin “Shën Nënë Tereza”

4 Tetor 2016 - 11:42      

Ferizaj, 4 tetor – Drejtoria e Kadastrës e Komunës së Ferizajt ka vendosur që rruga që kalon përskaj objektit të kishës “Engjëlli i Rojës” në Ferizaj të marrë emrin “Nënë Shën Tereza”, shkruan sot “Koha Ditore”.

“E kemi vendosur këtë tabelë afër kishës në qendër të qytetit, sepse simbolizon një person shumë të rëndësishëm, gjithashtu ka qenë edhe vetë kërkesë e banorëve të besimit katolik. Ne do të vazhdojmë t’i shqyrtojmë kërkesat e të gjithë qytetarëve pa dallime fetare etj., ndërkohë Komisioni për emërtimin e rrugëve dhe shesheve është në fazën përfundimtare për riemërimin e rreth 1.500 rrugëve në tërë territorin e Ferizajt”, ka deklaruar Grainca, drejtor i Kadastrës.