Komuna e Gjilanit nuk investon në sistemin e ujitjes së tokave bujqësore

3 Tetor 2016 - 13:48      

Komuna e Gjilanit edhe më tutje nuk është duke investuar në sistemin e ujitjes së tokave bujqësore duke bërë që bujqësia në këtë komunë të mos ketë ritme të kënaqshme të zhvillimit.

Sipas të dhënave të Agjencisë për Mbrojtjen e Mjedisit të Kosovës nga 8 mijë e 954 hektar të sipërfaqes së përgjithshme të tokës e cila kultivohet me kultura bujqësore në këtë komunë vetëm 285 hektarë tokë kanë sistem të ujitjes, shkruan sot “Koha Ditore”.

Ndonëse Banka Botërore vlerëson se vendi ynë ka tokë bujqësore të cilësisë së lartë edhe më tutje infrastruktura e dobët në zonat rurale dhe mos investimet janë duke shkaktuar rënie të prodhimit bujqësor dhe rritjen e deficitit tregtar-agro ushqimor.

Si shqetësuese këtë çështje është duke e parë opozita në këtë komunë e cila vlerëson se buxheti për vitin 2017 i cili është miratuar në Kuvendin Komunal nuk garanton zhvillim ekonomik ngase pushteti nuk ka planifikuar projekte për sektorin e bujqësisë... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.