Qeveria kritikohet se s’bëri gjë për pensionistët kosovarë të Zvicrës [video]

2 Tetor 2016 - 21:27      

Kosovarët që për vite punuan në shtetin e Zvicrës, mbesin pa një datë se kur do të mund të gëzojnë të drejtën e tyre për pensione.

Moskomunikimin e drejtë e të qartë të gjendjes faktike me një kategori të ndjeshme si pensionistët, e kritikojnë sindikalistë shqiptarë që veprojnë në Zvicër, duke rikujtuar se në 6 vjetët që kanë kaluar, shumë pensionistë kanë vdekur.

Sipas Osman Osmanit Sekretar nacional për migracion në UNIA , me ritmin aktual, marrëveshja nuk mund të arrihet së shpejti.

Por, marrëveshja do të arrihet më shpejt, të paktën kështu shprehet Bahri Xhaferi nga Departamenti i Pensioneve në Ministrinë e Mirëqenies Sociale.

Qeveria kosovare nga janari deri në gusht të këtij viti, në koordinim me qeverinë zvicerane ka zhvilluar një pilot-projekt, që sipas Xhaferit ka rezultuar me sukses, çka do t’i hapë rrugë arritjes së marrëveshjes.

© KOHA. Të gjitha të drejtat janë të rezervuara.