Njohja e qytetarëve me programet për arsimin joformal

1 Tetor 2016 - 11:32      

Rreth 30 organizata jo qeveritare nga Rajoni i Pejës dhe institucione private, kanë promovuar të premten punën e tyre në arsimin joformal, në panairin: “Mësimi gjatë gjithë jetës”, organizuar nga Ministria e Arsimit, Ministria e Punës dhe Ministria e Kulturës, Rinisë dhe Sportit, shkruan sot Koha Ditore.

Panairi i mbajtur ndër një tendë të ngritur në qendër të qytetit, është mbështetur financiarisht nga organizata gjermane e Bashkësisë së Shkollave Popullore Gjermane (DVV), që është aktive në Kosovë që nga viti 2005. Në këtë panair qytetarët kanë pasur mundësi të njiheshin me programet e ndryshme të organizatave jo shtetërore që ofrojnë për edukim dhe arsimim jo formal.

Pjesë e këtij panairi të organizuar edhe për qëllim të sensibilizimit të qytetarëve për arsimin joformal, ishin edhe organizatat joqeveritare që merren me persona me nevoja të veçanta. Njëra prej tyre ishte edhe Qendra për Kujdesin Ditor “PEMA”, e cila ofron shërbime të ndryshme të kujdesit edhe psiko-social për fëmijë me nevoja të veçanta të moshave 3 deri 18 vjeç...(Detajet mund t;i gjeni në numrin e sotëm të Kohës Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.