Dështon sërish fillimi i mësimit në Qendrën Korrektuese në Lipjan

30 Shtator 2016 - 08:23      

Me gjithë paralajmërimin se mësimi për 45 nxënës të mitur në Qendrën Korrektuese në Lipjan do të nisë të enjten, kjo gjë nuk ka ndodhur, shkruan sot Koha Ditore.

Për këtë shkak, vizita e paralajmëruar e ministres së Drejtësisë, Dhurata Hoxha, është anuluar.

”Njoftojmë se vizita e ministres së Drejtësisë, Dhurata Hoxha, me rastin e fillimit të procesit të rregullt mësimor në Qendrën Korrektuese në Lipjan, e cila ishte planifikuar më datë 29 shtator 2016, (e enjte), duke filluar nga ora 8:00, është shtyrë për javën e ardhshme. Ministria e Drejtësisë do t`iu njoftojë paraprakisht për kohën e saktë të realizmit të vizitës”, thuhet në njoftimin e Ministrisë së Drejtësisë.

Ndërkaq Rasim Hasani, drejtori i Arsimit në Komunë, ka thënë se disa herë i kanë bërë shkresa zyrtare Ministrisë së Arsimit për zgjidhjen e problemit të Qendrës Korrektuese në Lipjan, mirëpo deri tashti nuk ua kishin kthyer ndonjë përgjigje, shkruan sot më gjerësisht Koha Ditore.

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.